domingo, 7 de maio de 2017

"Cadros vivos" - Traballando o patrimonio

Traballos de Expresión Corporal sobre cadros de pinturas máis ou menos coñecidas que son patrimonio da humanidade.

venres, 5 de maio de 2017

mércores, 11 de xaneiro de 2017

Fatima Mernessi - Proposta para traballar o Día da Paz 2016 nas Escolas Asociadas Unesco da Galiza

Fátima Mernessi
(Fátima ou Fatema Mernissi; Fes, 1940) Escritora marroquí, unha das voces máis relevantes da intelectualidade do mundo árabe e unha autoridade mundial en estudos coránicos. Fátima Mernissi naceu en 1940 nun harén. Pertencía a unha familia acomodada, dona de grandes extensións de terra e fiel ás tradicións.   (Ver Citas) -  (Discurso da Entrega do Premio Principe de Asturias ás Letras 2013)
A infancia de Mernissi son recordos dun patio cadrado rodeado de columnas de mármore e azulexos e cunha fonte no centro. Catro enormes salóns abríanse a este espazo: o da súa familia, o da avoa paterna, o dos seus tíos e os seus sete primos e, por último, a sala onde os homes comían, escoitaban as noticias na radio, pechaban negocios e xogaban ás cartas. No piso superior habitaban as tías divorciadas e viúvas cos seus fillos. Todas as xanelas abríanse ao patio. Ningunha daba á rúa.
Nesta ampla vivenda pechada ao exterior non había eunucos nin escravos nin belas mulleres reclinadas voluptuosamente: o harén imperial otomán que chegou a Occidente a través da pintura e as películas desapareceu en 1909. No seu lugar quedou o harén doméstico como o que Fátima Mernissi viviu na súa infancia e describiu máis tarde en "Sueños en el Umbral".  "Memorias dunha nena do harén " (1994), foi a súa única obra narrativa e unha das máis aclamadas pola crítica internacional.

Filla e neta de mulleres analfabetas, Fátima Mernissi falou só árabe ata os vinte anos. Decidida a traspasar, entre outras, a barreira do idioma, non só aprendeu varias linguas senón que case nunca escribiu na propia. Ata a guerra do golfo Pérsico, en 1991, escribiu en francés. Desde entón, cun sentido pragmático, falou en inglés.

Mernissi licenciouse en ciencias políticas en Marrocos e proseguiu os seus estudos cunha bolsa na Universidade da Sorbona, en París. Máis tarde, obtivo o doutoramento en socioloxía na Universidade de Brandeis (Estados Unidos) e, de volta ao seu país, pasou a exercer de profesora na Universidade de Mohamed V de Rabat e dedicouse á investigación no Centre Universitaire da Recherche Scientifique da capital marroquí. Tamén nesa cidade dirixía un Taller de Escritura.

Defensora dos dereitos da muller

mércores, 30 de novembro de 2016

Mensaje de la Sra. Irina Bokova, Directora General de la UNESCO, con motivo del Día Mundial de la Lucha contra el SIDA 1 de diciembre de 2016

A UNESCO está convencida de que a educación é a pedra angular dun enfoque sustentable e eficaz da prevención do VIH. De acordo co informe de 2016 sobre as diferenzas en materia de prevención, dous terzos dos mozos non teñen un coñecemento correcto e exhaustivo do VIH. Este feito, axuntado a outros factores como a falta de acceso aos servizos, o estigma, a discriminación e as desigualdades estruturais, explica as consecuencias desproporcionadas do VIH en certas poboacións. 
Por exemplo, a pesar dos esforzos considerables que se realizaron para intensificar a resposta á SIDA, cada semana rexístranse uns 2000 novos casos de infección polo VIH entre as adolescentes e mulleres novas de Sudáfrica. A educación por si soa non constitúe unha fórmula máxica para a prevención, pero sen ela, outros enfoques de prevención, xa sexa o uso de preservativos ou a profilaxe previa á exposición, nunca cumprirán todas as súas promesas. 
Sobre esta base, na súa calidade de fundadora do Programa Conxunto das Nacións Unidas sobre o VIH/SIDA, a UNESCO únese á Secretaría do ONUSIDA e ás súas organizacións copatrocinadoras na conmemoración do primeiro Día Mundial da Loita contra a SIDA na era dos Obxectivos de Desenvolvemento Sustentable. 
O ONUSIDA celebra este acontecemento a través da campaña denominada "Levantemos as mans pola prevención VIH", que exhorta a revitalizar os esforzos de prevención a fin de que o mundo acelere a acción para acabar coa epidemia da SIDA en 2030. 
Durante máis de dúas décadas, a UNESCO axudou aos países para impulsar o programa de prevención a través da súa acción de promoción dunha educación sexual integral, así como por medio doutras cuestións sanitarias importantes, tales como o fortalecemento da resposta do sector educativo ao uso de sustancias adictivas e a prevención da violencia por motivos de xénero, identidade de xénero ou orientación sexual nas escolas. 
Este enfoque enmárcase na nova Estratexia da UNESCO sobre a Educación para a Saúde e o Benestar, que está en consonancia cos Obxectivos de Desenvolvemento Sustentable e a Estratexia do ONUSIDA 2016-2021, e pon de manifesto o recoñecemento crecente dos vínculos estreitos que existen entre a educación, a saúde e o benestar. Esta visión en prol dunha acción global é a mensaxe da UNESCO no Día Mundial da Loita contra a SIDA, e nunca fora tan importante. 

venres, 11 de novembro de 2016

Máis de 50 docentes se forman no campus en mediación escolar

As Escolas Asociados á Unesco Galegas, veñen de participar nunhas Xornadas de Mediación nas Escolas.  Engadimos aquí unha parte do texto resumo do tratado que a Universidade de Vigo publica na súa páxina web:  "Contribuír, a través da formación en resolución de conflitos, a construír nas escolas “contextos de paz” é o propósito central das Xornadas de Mediación Escolar que na tarde deste xoves achegaron ata a Facultade de Ciencias da Educación e do Deporte a máis de 50 profesores e profesoras de diferentes niveis educativos. Dirixidas polo profesor Aquilino Alonso, as xornadas Construíndo contextos de paz tiñan nese senso o propósito de contribuír á concienciación e formación dos profesionais do ensino nun ámbito como o da mediación que, como lembrou na conferencia de apertura a profesora da USC Mercedes Novo pode resultar unha valiosa ferramenta para o alumnado á hora de afrontar posibles situacións de acoso escolar... " Ler máis

sábado, 29 de outubro de 2016

Xornadas de Mediación - "Construíndo contextos de Paz"


Mensaxe de Irina Bokova -"Día Internacional da nena"

Este ano, o "Día Internacional da Nena" (11 de outubro) está dedicado ó problema do matrimonio infantil. 
Ata a data, en todo o mundo, os avances na eliminación do matrimonio infantil son demasiado escasos. Cada ano, 15 millóns de nenas contraen matrimonio antes de cumprir os 18 anos. No mundo en desenvolvemento, 1 de cada 9 nenas casan antes dos 15 anos. A pesar de que en moitos países se observa un aumento gradual da idade media do primeiro matrimonio, esta evolución cínguese principalmente ás familias con maiores ingresos.  Ler máis

Conclusíóns do XXIX Congreso Estatal da Rede de Escolas Asociadas Unesco (REAU)


Conclusións de Cultura de Paz

Conclusións de Patrimonio

Conclusións de Sostenibilidade  (Proposta de Traballo)

luns, 6 de xuño de 2016

Xornada Atlántica - 2016









As Escolas Asociadas Unesco Galegas  , tiveron  a sorte, de  celebrar  o Día Mundial  do Medio Ambiente   (5 de xuño) en xornada de convivencia nun bosque cheo de secuoias.  Organizáronse unhas actividades no chamado  "Bosque de Colón", en Arís, preto da Escusa - Poio,  Estas, 500, trouxéronas os americanos no ano 1992, para conmemorar o 500 aniversario do Descubrimento de América.  Con xa 25 anos están feitas unhas "boas mozas". No 2006 estiveron a punto de padecer un dos grandes incendios de Poio, por sorte os veciños de Poio conseguiron atallalo.  
Pola mañá comezamos pintándonos cada grupo, como actividades de  presentación e integración  , pois estabamos todos repartidos. Logo  cada grupo  fixo unha composición artística co material que había no contorno. Outros tamén fixemos unha xogo de pistas agochadas ou esparcidas pola contorna. Estas actividades foron , preto das secuoias, no merendeiro, nel atopamos  carballos, castiñeiros, loureitos reais, érvedos, estraloques, falsa árnica, carpazas, dentes de león, e tamén, por que non, bosta de cabalo e silvas. Rematamos co intercambio de árbores entre as escolas. Nós agasallamos  unha Camelia japónica `Caramuxiña´(ver listado de Viveiros Moreira)  que lle tocou ó CEIP Márcos da Portela, e a nós agasalláronos cunha "Secuoia" o  IES Seoane. Ás 13: 30 h os CEIP Manuel Vidal Portela e Campolongo marcharon. Os demais continuarón ata ás  16: 30 h máis ou menos e continuaron coa programación, que foi a de xantar e logo  ver  e xogar coa intervención artística que fixeron os maiores pola mañán. Esta  foi organizadas polo alumnado do IES Pedra da Auga . Fixeron unha intervención artística con cordas tecendo primeiro  en sentido horizontal entre as secuoias;  As redes que conectan as secuoias (simbolizando aos pobos de América) son collidas polos nenos e profesores (simbolizando aos pobos desta beira do Atlántico); logo en sentido vertical con forma de teas de araña típicas, presentes a ambos lados do Atlántico, como metáfora do desexo de atrapar a esencia e o espíritu desta xornada para que perdure  no bosque e nas  nosas conciencias.  Remataron explicándonos a finalidades desta obra efímera e agasalláronos cun cómic feito para a ocasión, "Atlantiña". 
  Ver máis fotos

xoves, 2 de xuño de 2016

Legumízate - 2016 Ano Internacional das Legumes


Escolas que colaboraron o conto: CEIP Parada de Campañó  / CEP Campolongo / CEIP Plurilingüe San Benito de Lérez / EEI Verducido  /  CEP Marcos da Portela.
Este luns 23 de maio  teremos o Contacontos que nos vai presentar  esta historia   e algunha do maís do seu peto.

Artigos relacionados:    "2016 Ano Internacional dos legumes"
Como nos organizamos?
Ver fotos dos Contacontos Enrique Mauricio e Carlos Taboada